കരിയർ ഗൈഡൻസ് കിടിലോസ്കി: മെയ്ൻ ക്യാരക്ടർ എനർജിയിൽ കളം പിടിക്കാൻ ഒരു അൾട്ടിമേറ്റ് പൂക്കി ഗൈഡ് 💅🔥
“9-ടു-5 കമ്പനിയിൽ പോയി പണിയെടുത്ത്, ബോസിന്റെ മൂഡ് സ്വിങ്സും താങ്ങി, ഇഎംഐയും അടച്ച് 60-ാം വയസ്സിൽ റിട്ടയർ ചെയ്യാൻ പറയുന്ന ആ തന്ത വൈബ് ഇനിയങ്ങോട്ട് നടപ്പില്ല സുഹൃത്തുക്കളെ! ഞങ്ങൾക്ക് ബാങ്ക് അക്കൗണ്ടിൽ ഡോളറും വേണം, മെന്റൽ പീസും വേണം, കൂടെ അൺലിമിറ്റഡ് ഫ്രീഡവും വേണം. വി ആർ ജസ്റ്റ് സ്ലേയിങ് ഹിയർ!”
ഇതാണ് ഇന്നത്തെ ജനറേഷന്റെ, അതായത് ജെൻസി (Gen Z) പിള്ളേരുടെയും അവരുടെ തൊട്ടുപിന്നാലെ 100% ഡിജിറ്റൽ വൈബിലേക്ക് ജനിച്ചുവീണ ജെൻ ആൽഫ (Gen Alpha) മക്കളുടെയും അൾട്ടിമേറ്റ് ലൈഫ് മന്ത്ര. മാതാപിതാക്കളുടെ കാലത്തെപ്പോലെ ‘സേഫ് സോൺ’ നോക്കി ഒരു ഗവൺമെന്റ് ജോലിയോ ബാങ്ക് ജോലിയോ ഒപ്പിച്ച് ജീവിതം തീർക്കുന്ന പരിപാടിക്ക് ഈ മെയ്ൻ ക്യാരക്ടർമാർ റെഡിയല്ല. ലോകം മാറി, ഇന്റർനെറ്റ് സ്പീഡ് മാറി, അതോടൊപ്പം കരിയർ സങ്കൽപ്പങ്ങളും പാടെ മാറിമറിഞ്ഞു.
"ഇന്നത്തെ കണ്ണാടിയിലൂടെ നാളത്തെ ലോകത്തെ കാണുന്നവർക്കാണ് വിജയം." അതുകൊണ്ട് തന്നെ കരിയർ പ്ലാനിങ് എന്നത് മറ്റുള്ളവരെ കാണിക്കാനുള്ള വെറും 'പട്ടിഷോ' അല്ല. അത് പക്ക റിയാലിറ്റിയും കൃത്യമായ ദീർഘവീക്ഷണവും ചേർത്തുവെച്ച് ചെയ്യേണ്ട ഒന്നാണ്. പണ്ട് കരിയർ ഗൈഡൻസ് എന്നാൽ ഡോക്ടർ, എഞ്ചിനീയർ എന്ന രണ്ട് പരമ്പരാഗത വഴികളിൽ ഒതുങ്ങിയിരുന്നു. എന്നാൽ ഇന്ന്, AI ടൂളുകളോട് സ്മാർട്ടായി സംസാരിക്കാനും, കോഡിങ് ഇല്ലാതെ സ്വന്തമായി ആപ്പുകൾ ഉണ്ടാക്കാനും, വിർച്വൽ ലോകത്ത് ഡിജിറ്റൽ അസറ്റുകൾ വാങ്ങി മറിച്ചുവിറ്റ് കോടികൾ കൊയ്യാനും പറ്റിയ അത്യാധുനിക കാലമാണ്. തന്ത വൈബിലുള്ള ഉപദേശങ്ങളെല്ലാം പായ്ക്ക് ചെയ്ത് ദൂരത്തെറിഞ്ഞേക്കൂ. പാഷനും ട്രെൻഡും പൈസയും ഒന്നിച്ച് ഒത്തുവരുന്ന, പക്കാ ‘പൂക്കി വൈബിലുള്ള’ (Pookki Vibe) ഒരു സമഗ്ര കരിയർ മാസ്റ്റർപ്ലാൻ കണ്ടാലോ
1. പൂക്കി വൈബുള്ള കരിയറുകൾ (The Ultimate Slay List):
സാങ്കേതികവിദ്യയുടെയും സോഷ്യൽ മീഡിയയുടെയും ഇൻഫ്ലുവൻസിലുള്ള ഈ യുഗത്തിൽ പൈസയും ഗെറ്റപ്പും ഒന്നിച്ച് തരുന്ന ചില മാരക കരിയർ ഓപ്ഷനുകൾ താഴെ പറയുന്നവയാണ്.
എ) AI & ടെക്നോളജി (The God Mode):
AI നമ്മുടെ ജോലികൾ തട്ടിയെടുക്കുമോ എന്ന പേടി പഴയ ആളുകൾക്കാണ്. പുതിയ പിള്ളേർ ചിന്തിക്കുന്നത് AI-യെ നമ്മുടെ അടിമയാക്കി എങ്ങനെ പണിയെടുപ്പിക്കാം എന്നാണ്!
AI ഓട്ടോമേഷൻ എക്സ്പെർറ്റ് (AI Automation Expert): കമ്പനികളുടെ ദിവസങ്ങളോളം നീളുന്ന വലിയ ജോലികൾ AI ടൂളുകളും ഏജന്റുകളും വെച്ച് 10 മിനിറ്റ് കൊണ്ട് തീർത്തു കൊടുക്കുന്ന പരിപാടിയാണിത്. കുറഞ്ഞ അധ്വാനം, കൂടിയ വരുമാനം. AI പ്രോംപ്റ്റ് എഞ്ചിനീയറിംഗ് (Prompt Engineering): ChatGPT, Midjourney, Claude പോലുള്ള അത്യാധുനിക AI ടൂളുകളോട് എങ്ങനെ കൃത്യമായി സംസാരിക്കണം, എങ്ങനെ അവയിൽ നിന്ന് മികച്ച ഔട്ട്പുട്ട് എടുക്കണം എന്ന് പഠിക്കുന്ന ശാസ്ത്രമാണിത്. കട്ടി കോഡിംഗ് അറിയില്ലെങ്കിലും ഐടി മേഖലയിൽ രാജാവായി തിളങ്ങാം. ക്ലൗഡ് ആർക്കിടെക്റ്റ് & ഡാറ്റാ ഡിറ്റക്ടീവ്: വിവരങ്ങളെല്ലാം ഇന്ന് ക്ലൗഡിലാണ് (AWS, Azure). ഈ ഡിജിറ്റൽ ഡാറ്റയെ സുരക്ഷിതമായി സൂക്ഷിക്കുകയും വിശകലനം ചെയ്ത് ട്രെൻഡുകൾ പ്രവചിക്കുകയും ചെയ്യുന്നവർക്ക് വരും ദശകങ്ങളിൽ വലിയ സ്കോപ്പാണ് ഉള്ളത്.
ബി) നോ-കോഡ് & സോളോപ്രെനർഷിപ്പ് (The Solo Kings & Queens):
കൂടെ പണിയെടുക്കാൻ ആരും വേണ്ട, നമ്മൾ വിചാരിച്ചാൽ ഒറ്റയ്ക്ക് ഒരു കമ്പനി കെട്ടിപ്പടുക്കാം എന്ന ലൈനാണ് ഇത്.
സാസ് സോളോപ്രെനർ (SaaS Solopreneur): Bubble, Webflow പോലുള്ള നോ-കോഡ് (No-Code) ടൂളുകൾ ഉപയോഗിച്ച് കോഡിങ് അറിയാതെ തന്നെ സ്വന്തമായി ഒരു ആപ്പോ വെബ്സൈറ്റോ ഉണ്ടാക്കുക, അത് സബ്സ്ക്രിപ്ഷൻ മോഡലിൽ വിറ്റ് ഒറ്റയ്ക്ക് കോടീശ്വരനാവുക. ഡിജിറ്റൽ ആസറ്റ് ഫ്ലിപ്പർ (Digital Asset Flipper): നല്ല റീച്ചുള്ള ഇൻസ്റ്റാഗ്രാം പേജുകൾ, യൂട്യൂബ് ചാനലുകൾ, വെബ്സൈറ്റുകൾ എന്നിവ വാങ്ങി, അതിനെ അടിപൊളിയാക്കി വലിയ വിലയ്ക്ക് മറിച്ചു വിൽക്കുന്ന ഡിജിറ്റൽ റിയൽ എസ്റ്റേറ്റ് ബിസിനസ്സ്. ൈഹ-ടിക്കറ്റ് ഫ്രീലാൻസർ (High-Ticket Freelancer): ലോക്കൽ മാർക്കറ്റിൽ ചെറിയ കാശിന് പണിയെടുത്ത് സമയം കളയാതെ, യുഎസ്, യൂറോപ്പ് ക്ലയന്റ്സിനെ മാത്രം പിടിച്ച് ഒറ്റ പ്രോജക്റ്റിന് ലക്ഷങ്ങൾ ചാർജ് ചെയ്യുന്ന ലേറ്റസ്റ്റ് സ്റ്റൈൽ.
സി) ക്രിയേറ്റീവ് & വിർച്വൽ റിയാലിറ്റി (The Aesthetic Geeks):
ക്രിയേറ്റിവിറ്റിയും ടെക്നോളജിയും ഒത്തുചേരുന്ന അതിമനോഹരമായ ഇടം.
UI/UX ഡിസൈനിംഗ്: നമ്മൾ ഉപയോഗിക്കുന്ന ആപ്പുകൾ കാണാൻ എത്ര ഭംഗിയുള്ളതാണ്! അത് ഉപയോഗിക്കാൻ എത്ര എളുപ്പമാണ്! ഈ ഭംഗിയും എളുപ്പവും ഡിസൈൻ ചെയ്യുന്നവരാണ് UI (User Interface), UX (User Experience) ഡിസൈനർമാർ. എസ്തറ്റിക് സെൻസും ഹ്യൂമൻ സൈക്കോളജിയും ഇഷ്ടപ്പെടുന്നവർക്ക് പറ്റിയ മേഖലയാണിത്. കണ്ടന്റ് സ്ട്രാറ്റജിസ്റ്റ് & ബ്രാൻഡ് കൺസൾട്ടന്റ്: വെറുതെ റീൽസ് ചെയ്യുകയല്ല, വലിയ ബ്രാൻഡുകൾക്ക് വേണ്ടി റീലുകൾ, മീമുകൾ, ട്രെൻഡുകൾ എന്നിവ പ്ലാൻ ചെയ്യുന്ന ലക്ഷ്വറി ജോലിയാണിത്. AR/VR ഡെവലപ്പർ & ഗെയിം ഡിസൈനർ: ഗെയിമുകളുടെ കഥയെഴുതുക, ക്യാരക്ടറുകൾ ഡിസൈൻ ചെയ്യുക, മെറ്റാവേഴ്സിൽ വിർച്വൽ പ്രോപ്പർട്ടികൾ ക്രിയേറ്റ് ചെയ്യുക എന്നിവയൊക്കെയാണ് ഇവരുടെ പരിപാടി.
2. 'സ്ലാഷ് കരിയർ' (Slash Careers): മൾട്ടിപ്പിൾ ഐഡന്റിറ്റി വൈബ്:
പഴയ തലമുറയ്ക്ക് ഒരു ജോലി എന്നാൽ അവരുടെ കരിയറിന്റെ അവസാനം വരെ കൊണ്ടുപോകുന്ന ഒരേയൊരു ഐഡന്റിറ്റി ആയിരുന്നു. എന്നാൽ പുതിയ മക്കൾക്ക് അതിൽ പെട്ടെന്ന് ബോറടിക്കും. അവർക്ക് ഒന്നിൽക്കൂടുതൽ ടാഗുകൾ വേണം. ഇതിനെയാണ് 'Slash Career' എന്ന് വിളിക്കുന്നത്.
പൂക്കി ഫോർമുല: അനഘ ഒരു UI/UX ഡിസൈനർ / കണ്ടെന്റ് ക്രിയേറ്റർ/ ഫിറ്റ്നസ് ഇൻഫ്ലുവൻസർ ആണ്.
രാവിലെ ഒരു ഐടി കമ്പനിക്ക് വേണ്ടി റിമോട്ട് വർക്ക് ചെയ്യുന്ന അനഘ, വൈകുന്നേരങ്ങളിൽ ബ്രാൻഡുകൾക്ക് വേണ്ടി കണ്ടെന്റ് ക്രിയേറ്റ് ചെയ്യുന്നു, വീക്കെൻഡുകളിൽ ഫിറ്റ്നസ് കോച്ചിങ് നൽകുന്നു.
സ്ലാഷ് കരിയറിന്റെ ഗുണങ്ങൾ:
-
ബോറടി ഇല്ല: ഒരേ ജോലി തന്നെ ചെയ്ത് ജീവിതം ഒട്ടും മടുത്തുപോകില്ല. ഫുൾ ടൈം ഫ്രഷ് വൈബ്.
-
ഡോളർ റെയിൻ (Multiple Streams of Income): ഒരു വരുമാന മാർഗ്ഗം പെട്ടെന്ന് അടഞ്ഞാലും മറ്റൊന്ന് എപ്പോഴും ബാങ്ക് അക്കൗണ്ട് കാത്തുസൂക്ഷിക്കും.
-
പാഷൻ ഈസ് പ്രൊഫഷൻ: പൈസക്ക് വേണ്ടി ചെയ്യുന്ന ജോലിയും മനസ്സിന് സന്തോഷം തരുന്ന പാഷനും ഒന്നിച്ച് കൊണ്ടുപോകാം.
തന്ത വൈബ് Vs പൂക്കി വൈബ് (The Ultimate Mindset Shift):
പഴയ തലമുറ കരിയറിനെ കണ്ടിരുന്ന രീതിയും ഇന്നത്തെ മക്കൾ കളം പിടിക്കുന്ന രീതിയും തമ്മിൽ ആകാശവും ഭൂമിയും തമ്മിലുള്ള വ്യത്യാസമുണ്ട്. ആ വ്യത്യാസങ്ങൾ പച്ചയായി പറഞ്ഞാൽ ഇങ്ങനെയൊക്കെയാണ്:
പണ്ടത്തെ രീതി (The Outdated Thantha Vibe)
60 വയസ്സിലെ റിട്ടയർമെന്റ് ജയിൽ: ജീവിതകാലം മുഴുവൻ ഒരു കമ്പനിക്ക് വേണ്ടി ചോരനീരാക്കി പണിത്, ഒടുവിൽ വയസ്സുകാലത്ത് മാത്രം ജീവിക്കാൻ തുടങ്ങുന്ന ബോറടി രീതി. ഒരൊറ്റ കമ്പനി, ഒരൊറ്റ ശമ്പളം: ജീവിതം മുഴുവൻ ഒരൊറ്റ സാലറി അക്കൗണ്ടിലേക്ക് നോക്കി ഇരിക്കുക. ആ വരുമാനം നിന്നാൽ ലൈഫ് ഫുൾ റിസ്കിലാകുന്ന അവസ്ഥ. 9-ടു-5 ക്യൂബിക്കിൾ തടവ്: ട്രാഫിക്കിൽ കിടന്ന് കഷ്ടപ്പെട്ട് ഓഫീസിൽ എത്തി, ബോസിന്റെ കലിപ്പും താങ്ങി ആ നാല് ചുവരുകൾക്കുള്ളിൽ ജീവിതം ഹോമിക്കുക. ഡിഗ്രി സർട്ടിഫിക്കറ്റുകളുടെ പട്ടിഷോ: ലക്ഷങ്ങൾ കൊടുത്ത് വലിയ കോളേജ് ഡിഗ്രികൾ വാങ്ങി വലിയ ഫ്രെയിമിലിട്ട് സൂക്ഷിക്കുക (പക്ഷെ പ്രാക്ടിക്കലായി ഒന്നും ചെയ്യാൻ അറിയില്ലായിരിക്കും!). ഫോർമൽ വസ്ത്രങ്ങളുടെ കോപ്രായം: കഴുത്തിൽ ടൈയും കെട്ടി, ശ്വാസം മുട്ടിക്കുന്ന ഫോർമൽ ഷർട്ടുമിട്ട് ഇരിക്കുമ്പോഴാണ് 'പ്രൊഫഷണലിസം' വരുന്നത് എന്ന തെറ്റായ ചിന്ത.
പൂക്കി രീതി (The Futuristic Pookki Vibe)
35 വയസ്സിലെ FIRE എൻട്രി: ചെറുപ്പത്തിലേ സ്മാർട്ടായി പണമുണ്ടാക്കുക, 35-ാം വയസ്സിൽ ഫിനാൻഷ്യലി ഇൻഡിപെൻഡന്റ് ആയി റിട്ടയർ ചെയ്യുക, എന്നിട്ട് ലൈഫ് ഫുൾ ഓൺ ആയി എൻജോയ് ചെയ്യുക. അൺലിമിറ്റഡ് സൈഡ് ഹസിലുകൾ: ഒരൊറ്റ വരുമാനത്തിൽ ഒതുങ്ങാതെ ഫ്രീലാൻസിങ്, ഇൻവെസ്റ്റിങ്, ഡിജിറ്റൽ അസറ്റുകൾ വഴി ബാങ്ക് അക്കൗണ്ടിലേക്ക് പല വഴികളിലൂടെ ഡോളർ ഒഴുക്കുക. എവിടെയിരുന്നും ചെയ്യാവുന്ന വർക്കേഷൻ: ലാപ്ടോപ്പും ഹൈ-സ്പീഡ് വൈഫൈയും ഉണ്ടെങ്കിൽ ഗോവയിലെ ബീച്ചോ വെയനാട്ടിലെ റിസോർട്ടോ ആണ് നമ്മുടെ ഓഫീസ്. ലോകം തന്നെയാണ് നമ്മുടെ വർക്ക് സ്പേസ്. പ്രൂഫ് ഓഫ് വർക്കും പോർട്ട്ഫോളിയോയും: സർട്ടിഫിക്കറ്റ് ആരും ചോദിക്കില്ല, പകരം നമ്മൾ ചെയ്ത കിടിലൻ പ്രോജക്റ്റുകളുടെ ലിങ്കും ലിങ്ക്ഡ്ഇൻ പ്രൊഫൈലും കാണിച്ച് ക്ലയന്റ്സിനെ ഞെട്ടിക്കുന്ന കളി. കംഫർട്ടബിൾ കാഷ്വൽ ലുക്ക്: വസ്ത്രത്തിലല്ല, നമ്മുടെ വർക്കിലാണ് കാര്യം. ഏറ്റവും കംഫർട്ടബിൾ ആയ കാഷ്വൽ വസ്ത്രങ്ങളുമിട്ട്, കൂളായി ഇരുന്നുള്ള സ്മാർട്ട് വർക്ക്.
4. 'പൂക്കി സ്റ്റൈൽ' സ്ട്രാറ്റജി (How to Rule the Game):
പഴയ തന്ത വൈബിലുള്ള ഉപദേശങ്ങളെല്ലാം വെട്ടി തിരുത്താനുള്ള സമയമായി. ഇനി പറയുന്ന ന്യൂ-ഏജ് റൂളുകൾ മാത്രം ഫോളോ ചെയ്യുക:
❌ ഡിഗ്രി ഔട്ട്, പോർട്ട്ഫോളിയോ ഇൻ!
കോളേജ് സർട്ടിഫിക്കറ്റ് കൊണ്ട് ഇനി വലിയ കാര്യമില്ല. നിന്റെ ലിങ്ക്ഡ്ഇൻ (LinkedIn) പ്രൊഫൈലും ട്വിറ്ററും (X) ആണ് നിന്റെ പുതിയ ബയോഡാറ്റ. അവിടെ നീ ചെയ്ത വർക്കുകൾ മാസ്സായി കാണിച്ച് (Proof of Work) ആഗോള ക്ലയന്റ്സിനെ ഞെട്ടിക്കുക. Behance, GitHub എന്നിവ നിങ്ങളുടെ ബെസ്റ്റ് ഫ്രണ്ട്സ് ആക്കുക.
❌ ഹസിൽ കൾച്ചറിനോട് ബൈ പറയുക
"രാപ്പകൽ കഷ്ടപ്പെട്ട് പണിയെടുക്കണം, ഉറക്കം കളയണം" എന്നൊക്കെ പറയുന്ന ചിന്തകളോട് നോ പറയുക. നമ്മൾ വിശ്വസിക്കുന്നത് 'Scale & Leverage' ലാണ്. സ്മാർട്ട് ടൂളുകൾ ഉപയോഗിക്കുക, കുറഞ്ഞ സമയത്തിൽ മാക്സിമം ഔട്ട്പുട്ട് ഉണ്ടാക്കുക, ബാക്കി സമയം ലൈഫ് ഫുൾ ഓൺ ആയി എൻജോയ് ചെയ്യുക.
❌ ഒരു കമ്പനിയോടും പ്രണയം വേണ്ട
ഒരു കമ്പനിയിലും കാലാകാലം ഇരിക്കാൻ നോക്കരുത്. മികച്ച ഓഫറും ശമ്പളവും കിട്ടിയാൽ അടുത്ത നിമിഷം കമ്പനി മാറുക (Job Hopping). അങ്ങനെ മാത്രമേ സാലറി ഹൈക്ക് പെട്ടെന്ന് ഇരട്ടിയാക്കാൻ പറ്റൂ. മാറ്റമാണ് ഏക സ്ഥിരതയുള്ള കാര്യം.
5. ഫ്രീലാൻസിംഗും റിമോട്ട് വർക്കും: ലോകം നിങ്ങളുടെ ഓഫീസാണ്:
ഒരു ഓഫീസിലെ അടച്ചിട്ട ക്യൂബിക്കിളിൽ ഇരുന്ന് ബോസിന്റെ കലിപ്പും കണ്ട് ജോലി ചെയ്യുന്ന കാലം കഴിഞ്ഞു. ലാപ്ടോപ്പും ഹൈ-സ്പീഡ് വൈഫൈയും ഉണ്ടെങ്കിൽ ഗോവയിലെ ബീച്ചിലിരുന്നോ കാട്ടിലെ റിസോർട്ടിലിരുന്നോ ജോലി ചെയ്യാൻ പുതിയ തലമുറ താല്പര്യപ്പെടുന്നു. 'വർക്കേഷൻ' (Work + Vacation) എന്നത് ഇവരുടെ പ്രിയപ്പെട്ട കൺസെപ്റ്റാണ്.
6. Mentel ഹെൽത്ത് ഫസ്റ്റ്: 'ക്വയറ്റ് ക്വിറ്റിംഗ്' വൈബ്:
കരിയറിന് എത്രത്തോളം പ്രാധാന്യം നൽകുന്നുവോ, അത്രത്തോളം തന്നെ പ്രാധാന്യം സ്വന്തം മാനസികാരോഗ്യത്തിനും പുതിയ തലമുറ നൽകുന്നുണ്ട്. പണം മാത്രം തരുന്ന, സമാധാനം കളയുന്ന ഒരു ജോലിയും അവർക്ക് ഒട്ടും വേണ്ട.
ക്വയറ്റ് ക്വിറ്റിംഗ് (Quiet Quitting): ജോലിയിൽ നിന്ന് രാജിവെക്കുക എന്നതല്ല ഇതിനർത്ഥം. ശമ്പളം തരുന്ന ജോലി കൃത്യസമയത്ത് വൃത്തിയായി ചെയ്യുക, അതിനപ്പുറം കമ്പനിക്ക് വേണ്ടി ചോരനീരാക്കാതിരിക്കുക. പ്രിവെന്റിങ് ബേൺഔട്ട്: എപ്പോഴും ജോലി ചെയ്ത് മടുത്തുപോകുന്ന (Burnout) അവസ്ഥ വരാതിരിക്കാൻ കൃത്യമായ ഇടവേളകളിൽ ഡിജിറ്റൽ ഡിറ്റോക്സിംഗും യാത്രകളും ശീലമാക്കുക.
7. ജെൻ ആൽഫ (Gen Alpha): വിർച്വൽ ലോകത്തെ യഥാർത്ഥ റൂളേഴ്സ്:
2013-ന് ശേഷം ജനിച്ച, പൂർണ്ണമായും സ്മാർട്ട്ഫോണുകളുടെയും ആർട്ടിഫിഷ്യൽ ഇന്റലിജൻസിന്റെയും ലോകത്തേക്ക് വളർന്നുവരുന്ന കുട്ടികളാണിവർ. ഇവരുടെ കരിയർ ചിന്തകൾ നമ്മളെ ശരിക്കും അത്ഭുതപ്പെടുത്തുന്നതാണ്.
മെറ്റാവേഴ്സ് ആൻഡ് വിർച്വൽ ഇക്കോണമി (Metaverse & Virtual Economy): പണ്ട് കുട്ടികൾ കളക്ടറാകാൻ ആഗ്രഹിച്ചപ്പോൾ, ജെൻ ആൽഫ കുട്ടികൾക്ക് 'റോബ്ലോക്സ് (Roblox) ഡെവലപ്പർ' ആകാനോ, 'മെറ്റാവേഴ്സ് ആർക്കിടെക്റ്റ്' ആകാനോ ആണ് താല്പര്യം. വിർച്വൽ ലോകത്ത് ഡിജിറ്റൽ വസ്ത്രങ്ങളും പ്രോപ്പർട്ടികളും ഡിസൈൻ ചെയ്യുന്ന വലിയൊരു വിപണി ഇവർക്ക് മുന്നിലുണ്ട്. AI കോ-പൈലറ്റിംഗ് (AI Co-Piloting): AI തങ്ങളുടെ ജോലി ഇല്ലാതാക്കുമെന്ന് ഇവർ ഭയപ്പെടുന്നില്ല. പകരം, AI-യെ ഒരു കോ-പൈലറ്റായി കൂടെക്കൂട്ടി എങ്ങനെ കൂടുതൽ വേഗത്തിൽ കാര്യങ്ങൾ ചെയ്യാം എന്നാണ് അവർ ചിന്തിക്കുന്നത്. ക്ലൈമറ്റ് പ്രെനർഷിപ്പ് (Climate-preneurship): ഭൂമിയുടെ നിലനിൽപ്പിനെക്കുറിച്ച് ഏറ്റവും കൂടുതൽ ബോധമുള്ള തലമുറയാണിത്. അതുകൊണ്ട് തന്നെ പരിസ്ഥിതിക്ക് കോട്ടംവരുത്താത്ത ഗ്രീൻ ജോബ്സ്' (Green Jobs), സുസ്ഥിരമായ ബിസിനസ്സുകൾ (Sustainable Business) എന്നിവ കെട്ടിപ്പടുക്കാൻ ഇവർ കൊതിക്കുന്നു
ദി 'FIRE' മൂവ്മെന്റ് (Financial Independence, Retire Early)
60 വയസ്സുവരെ പണിയെടുത്ത് തളരാൻ പുതിയ മക്കളെ കിട്ടില്ല. അവരുടെ അൾട്ടിമേറ്റ് ലൈഫ് ഗോൾ ഇതാണ്: 30-35 വയസ്സിനുള്ളിൽ നല്ല രീതിയിൽ പണമുണ്ടാക്കി ഫിനാൻഷ്യലി ഇൻഡിപെൻഡന്റ് ആവുക, എന്നിട്ട് റിട്ടയർ ചെയ്ത് സ്വന്തം ഇഷ്ടപ്രകാരം ലോകം ചുറ്റി ജീവിക്കുക.
8. നിങ്ങളുടെ സ്വന്തം 'ഇക്കിഗായ്' (Ikigai) കണ്ടെത്തുക:
എങ്ങനെയാണ് നമുക്ക് പറ്റിയ കൃത്യമായ പൂക്കി കരിയർ തിരഞ്ഞെടുക്കുക? അതിന് ജപ്പാൻകാരുടെ ഒരു മനോഹരമായ തത്ത്വചിന്തയുണ്ട്— ഇക്കിഗായ്' (Ikigai). ജീവിക്കാനുള്ള ലക്ഷ്യം എന്നാണ് ഇതിന്റെ അർത്ഥം.
നിങ്ങൾക്ക് ചെയ്യാൻ ഇഷ്ടമുള്ള കാര്യം, നിങ്ങൾക്ക് മിടുക്കുള്ള മേഖല, ലോകത്തിന് ആവശ്യമുള്ള കാര്യം, പണം കിട്ടുന്ന ജോലി—ഈ നാലും ഒത്തുചേരുന്ന ഒരു കരിയർ കണ്ടെത്താൻ കഴിഞ്ഞാൽ, പിന്നെ ജീവിതത്തിൽ ഒരു ദിവസം പോലും നിങ്ങൾക്ക് ജോലി ചെയ്യുന്നതായി തോന്നില്ല. കാരണം നിങ്ങൾ ചെയ്യുന്നത് നിങ്ങളുടെ പാഷൻ ആയിരിക്കും!
9. ഇനി കാര്യത്തിലേക്ക്: ഈ 'കിടിലോസ്കി' കരിയറുകൾ എവിടെ പഠിക്കാം?:
വായിച്ചതൊക്കെ കൊള്ളാം, ഇതൊക്കെ എവിടെപ്പോയി പഠിക്കും എന്ന് ചോദിക്കുന്ന പൂക്കി മക്കൾക്കായി ലോകത്തിലെയും ഇന്ത്യയിലെയും ഏറ്റവും മികച്ച ഇൻസ്റ്റിറ്റ്യൂട്ടുകളുടെ ലിസ്റ്റ് ഇതാ. ഇവിടെ പട്ടിഷോ ഡിഗ്രിയല്ല, മറിച്ച് തലമുറ മാറ്റത്തിനൊപ്പം നിങ്ങളെ പുതിയ സ്കില്ലുകൾ പഠിപ്പിക്കുന്ന ഇടങ്ങളാണ് ഇവ. ലിസ്റ്റ് അപൂർണ്ണവുമാണ്.
എ) AI, ഡാറ്റാ സയൻസ് & ആധുനിക ടെക്നോളജി:
IITs (Indian Institutes of Technology): ഇന്ത്യയിലെ മിക്ക ഐഐടികളിലും ഇപ്പോൾ ബിടെക് ഇൻ ആർട്ടിഫിഷ്യൽ ഇന്റലിജൻസ്, ഡാറ്റാ സയൻസ് കോഴ്സുകൾ ലഭ്യമാണ്. IIIT Hyderabad (International Institute of Information Technology): റോബോട്ടിക്സ്, AI പ്രോജക്ടുകൾ എന്നിവയ്ക്ക് ഇന്ത്യയിലെ നമ്പർ വൺ ഹബ്ബ്. BITS Pilani: ഇവിടെയുള്ള പുതിയ കമ്പ്യൂട്ടർ സയൻസ് ഹബ്ബുകൾ ക്ലൗഡ് കമ്പ്യൂട്ടിംഗിനും ഡാറ്റാ സയൻസിനും മികച്ചതാണ്.
ബി) UI/UX, വിഷ്വൽ ഡിസൈനിംഗ് & ഗെയിം ഡിസൈൻ:
NID (National Institute of Design): ഇന്ത്യയിൽ ഡിസൈനിംഗ് പഠിക്കാൻ പറ്റിയ ഏറ്റവും അൾട്ടിമേറ്റ് സ്ഥാപനം. ബെംഗളൂരു, അഹമ്മദാബാദ് ക്യാമ്പസുകളിൽ ഡിജിറ്റൽ ഡിസൈൻ കോഴ്സുകൾ ലഭ്യമാണ്. IIT Bombay (Industrial Design Centre - IDC): മികച്ച UI/UX ഡിസൈനർമാരെ സൃഷ്ടിക്കുന്ന കിടിലൻ ഹബ്ബ്. National Institute of Creative Arts and Design (NICAD) & പ്രമുഖ പ്രൈവേറ്റ് സ്ഥാപനങ്ങൾ: ഗെയിം ഡിസൈനിംഗും അനിമേഷനും അന്താരാഷ്ട്ര നിലവാരത്തിൽ പഠിപ്പിക്കുന്ന ഇടങ്ങൾ.
സി) ഡിജിറ്റൽ മാർക്കറ്റിംഗ് & കണ്ടന്റ് സ്ട്രാറ്റജി:
MICA (Mudrasom Institute of Communications, Ahmedabad): ഡിജിറ്റൽ മാർക്കറ്റിംഗിന്റെയും മീഡിയ സ്ട്രാറ്റജിയുടെയും ഈറ്റില്ലം. ഇവിടെ പഠിച്ചിറങ്ങിയാൽ ബ്രാൻഡ് മാനേജ്മെന്റിൽ കളം പിടിക്കാം. IIMs (Indian Institutes of Management): ഇന്ന് ഐഐഎമ്മുകളിൽ ഡിജിറ്റൽ ട്രാൻസ്ഫോർമേഷൻ, സോഷ്യൽ മീഡിയ മാർക്കറ്റിംഗ് എന്നിവയിൽ ഷോർട്ട്-ടേം, ലോങ്-ടേം സ്പെഷ്യലൈസ്ഡ് കോഴ്സുകളുണ്ട്.
🌐 ഓൺലൈൻ ഗ്ലോബൽ യൂണിവേഴ്സിറ്റികൾ (The Ultimate Cheat Code):
കോളേജിൽ പോയി സമയം കളയാൻ താല്പര്യമില്ലെങ്കിൽ, ലോകത്തെ ഏറ്റവും മികച്ച അറിവുകൾ നിങ്ങളുടെ റൂമിലിരുന്ന് പഠിക്കാം:
Coursera & edX: ഗൂഗിൾ, ഐബിഎം (IBM), ഹാർവാർഡ് യൂണിവേഴ്സിറ്റി എന്നിവർ നേരിട്ട് നൽകുന്ന AI, സൈബർ സെക്യൂരിറ്റി സർട്ടിഫിക്കറ്റ് കോഴ്സുകൾ. Interaction Design Foundation (IxDF): UI/UX ഡിസൈൻ പഠിക്കാൻ ലോകത്തിലെ ഏറ്റവും അംഗീകരിക്കപ്പെട്ട ഓൺലൈൻ പ്ലാറ്റ്ഫോം. Udacity Nanodegrees: റോബോട്ടിക്സ്, സെൽഫ് ഡാറ്റ അനലിറ്റിക്സ് തുടങ്ങിയവയിൽ പക്ക ഇൻഡസ്ട്രി പ്രോജക്ടുകൾ സഹിതം പഠിക്കാം.
🔥🔥സ്ലേ ചെയ്ത് മുന്നേറുക!:
പ്രിയ ന്യൂജെൻ കൂട്ടുകാരേ, കരിയർ എന്നത് മറ്റുള്ളവരെ കാണിക്കാൻ വേണ്ടിയുള്ള ഒരു ഷോ അല്ല. അത് നിങ്ങളുടെ ജീവിതമാണ്. നിങ്ങളുടെ കൂട്ടുകാരൻ കോഡിംഗ് പഠിക്കുന്നത് കണ്ട് നിങ്ങളും അതിന് പോകരുത്; നിങ്ങളുടെ താല്പര്യം ഒരുപക്ഷേ നല്ലൊരു ഡിസൈൻ ചെയ്യാനോ, കഥയെഴുതാനോ, അല്ലെങ്കിൽ ഒരു ബിസിനസ്സ് പ്ലാൻ ചെയ്യാനോ ആയിരിക്കാം. "Headings should be bold (Contain ":"), headings size are normal, Remove star (*), Already bold word should be sustaining same bold, No other changes required." "No other changes required."
'ചോദ്യം ചെയ്യപ്പെടാത്ത അനുസരണ' എന്ന പഴയ തന്ത വൈബിൽ നിന്നും 'ചോദ്യങ്ങൾ ചോദിക്കുന്ന സ്വാതന്ത്ര്യം' എന്ന പൂക്കി വൈബിലേക്കാണ് പുതിയ മക്കളുടെ കരിയർ ചിന്തകൾ നീങ്ങുന്നത്. പഴയ വഴികൾ അടയുമ്പോൾ പുതിയ നൂറു ഡിജിറ്റൽ വഴികൾ മുന്നിൽ തുറക്കുന്നുണ്ട്. റിസ്ക് എടുക്കാൻ പേടിക്കരുത്. 🔥🌟
Article By: Mujeebulla K.M
CIGI Career Team